२०८१ भाद्र २७ गते, बिहीबार
२०८१ भाद्र २७ गते, बिहीबार
काठमाडौँ । बाराको निजगढ नगरपालिका– ११ मा रुखको हाँगा भाँचिँदा मोटरसाइकलमा सवार एकको मृत्यु भएको छ । दुईजना घाइते भएका छन्।
मंगलबार दिउँसो निजगढ नगरपालिका– १० स्थित लालगाउँबाट रतनपुर जाँदै गरेको प्र २–०२–०१७ प ९६३५ नम्बरको मोटरसाइकलमाथि रुखको हाँगा बज्रिँदा निजगढ नगरपालिका– ११ का सुमन बम्जनकी श्रीमती २२ वर्षीया अस्मिता मोक्तानको घटनास्थलमै मृत्यु भएको हो।
रुखको हाँगा टाउकोमा बज्रँदा चोटका कारण अस्मिताको मृत्यु भएको इलाका प्रहरी कार्यालय निजगढका प्रहरी निरीक्षक सुमित कुसवाहले जानकारी दिए।
मोटरसाइकलमा सवार निजगढ नगरपालिका– ११ निवासी १८ वर्षीय सन्देश बम्जन र २२ वर्षीया बिनिता ब्लोन घाइते भएका छन्।
