२०८१ मंसिर २१ गते, शुक्रबार
२०८१ मंसिर २१ गते, शुक्रबार
काठमाडौँ । युइएफए च्याम्पियन्स लिगमा बार्सिलोनाले क्रिभेना ज्भेज्दाविरुद्ध सानदार जित निकालेको छ ।
क्रिभेना ज्भेज्दाको मैदानमा बुधबार राति भएको खेलमा बार्सिलोनाले ५–२ गोलको सानदार जित निकालेको हो । बार्सिलोनाको जितमा रोबर्ट लेवान्डोवस्कीले ४३औँ र ५३औँ मिनेटमा दुई गोल गरे ।
यस्तै इनिगो मार्टिनेजले १३औँ, राफिन्हाले ५५औँ र फिर्मिन लोपेजले ७६औँ मिनेटमा एक एक गोल गरे । ज्भेज्दाकाका लागि सिलसले २७औँ र मिल्सनले ८४औँ मिनेटमा एक एक गोल फर्काएका थिए । जितसँगै चार खेलबाट नौ अङ्क बनाएको बार्सिलोना छैटौँ स्थानमा छ ।
समान खेलबाट अङ्कबीहिन ज्भेज्दा ३५औँ स्थानमा छ । अन्य खेलमा इन्टर मिलानले आर्सनललाई १–० र एट्लेटिको म्याड्रिडले पेरिस सेन्ट जर्मेन (पीएसजी) लाई २–१ गोलले हरायो ।
