२०८१ आश्विन १८ गते, शुक्रबार
२०८१ आश्विन १८ गते, शुक्रबार
काठमाडौं । नेपाली सेनाको श्रीजङ्ग गण (शान्ति सेना)को एसआइबी १२ औं डफ्फाको अन्तिम टोली बिहीवार दक्षिणी सुडानतर्फ प्रस्थान गरेको छ ।
सेनानी सुरज थापाको नेतृत्वमा २३२ जना नेपाली शान्ति सैनिक यूएन चार्टर्ड विमानमार्फत संयुक्त राष्ट्रसङ्घीय मिसन इलाकातर्फ प्रस्थान गरेका हुन् ।
साथै, उक्त मिसनमा तैनाथ श्रीजङ्ग गण ११ औं डफ्फाको अन्तिम टोली प्रमुख सेनानी शिखर जङ्गबहादुर राणाको नेतृत्वमा २२९ नेपाली शान्ति सैनिक आजै स्वदेश फर्किने नेपाली सेनाको जनसम्पर्क तथा सूचना निर्देशनालयले जनाएको छ ।
