२०८१ आश्विन २१ गते, सोमबार
२०८१ आश्विन २१ गते, सोमबार
काठमाडौं । ज्ञानेन्द्र देउजा निर्देशित फिल्म ‘झिंगेदाउ’ शुक्रबारदेखि तेस्रो सातामा प्रवेश गरेको छ । नयाँ फिल्म रिलिज नहुँदाको बक्स अफिस फाइदा यो फिल्मले उठाउने पक्कापक्की छ ।
चलचित्र विकास बोर्डको बक्स अफिस विवरणअनुसार बिहीबार बेलुकासम्म केकी अधिकारी र मुकुन भुसाल अभिनित फिल्मले २ करोड ५५ लाख २६ हजार रुपैयाँ ग्रस कमाएको छ ।
बक्स अफिस जडान नभएका हल र हलले वितरकलाई उपलब्ध गराउने हिसाब समेत जोड्दा ‘झिंगेदाउ’को कुल कलेक्सन तीन करोड रुपैयाँ ग्रस हुने अनुमान गरिएको छ ।
बोर्डकै डेटाअनुसार बिहीबारसम्म (२१ दिन)को कमाइ हेर्दा ‘प्रकाश’ले १ करोड ४६ लाख रुपैयाँ ग्रस कमाएको छ । बक्स अफिस जडान नभएका हल र हलले वितरकलाई उपलब्ध गराउने हिसाब समेत जोड्दा प्रकाशको कुल कमाइ २ करोड ८० देखि ९० लाख आसपास हुने अनुमान छ ।
