शताब्दी पुरुष सत्यमोहन जोशीको निधन, शव अध्ययनका लागि राखिने

जनता संवाददाता
२०७९ आश्विन ३० गते, आईतवार

काठमाडौँ । शताब्दी पुरुष सत्यमोहन जोशीले आफ्नो निधनपश्चात शरीर दान गर्ने घोषणा गरेका कारण आज उनका परिवारले कानुनी प्रक्रिया पूरा गरी जोशीको पार्थिव शरीर अस्पताललाई हस्तान्तरण गरेका छन्।

पिताको इच्छा बमोजिम शरिर अस्पताललाई दान दिएपछि उनका जेठा छोरा अनुराज र कान्छा छोरा डा पूर्णराज जोशीले बुवा सत्यमोहन जोशीको जन्मकुण्डली शंखमुलस्थित बागमती घाटमा बेलुकी ६:१४ बजे जलाउॅदै श्रद्धाञ्जली अर्पण गरेका छन्।

यसअघिनै मृत्युपछि आफ्नो शरीर दान गरिसकेका जोशीको शरीर अध्ययनका लागि केमिकल प्रयोग गरेर राखिने भएको छ। जोशीको परिवार, किष्ट अस्पताल र ललितपुर महानगरपालिकाका प्रतिनिधिबीच भएको छलफलपछि उनको शरीर नजलाउने, अन्ययन अनुसन्धानका लागि दान दिने निर्णय भएको हो।

१०३ वर्षको उमेरमा जोशीको आइतबार बिहान निधन भएको थियो। किस्ट अस्पतालमा उपचारको क्रममा उनको निधन भएको हो।

तस्बिर : सत्यमोहनको जन्मकुण्डली जलाउँदै उनका छोराहरू दिए श्रद्धाञ्जली
प्रकाशित मिति : २०७९ आश्विन ३० गते, आईतवार


करार सेवा परिपूर्ति सम्बन्धि हिमाली गाउँपालिका, बाजुराको सूचना
Scroll to Top

Janata Media