२०८१ चैत्र ४ गते, सोमबार
२०८१ चैत्र ४ गते, सोमबार
डडेल्धुरा । शनिबार राती डडेल्धुरा सदरमुकाम बागबजारमा आगलागी भएको छ । शुलभ फेन्सी, कैलपाल मेडिकल र शिशिर फेन्सी पसलमा आगलागी भएको हो ।
शनिबार राति पौने ९ बजेतिर आगलागी भएको थियो। अमरगढी नगरपालिकाको दमकल, नेपाल प्रहरी, सशस्त्र प्रहरी नेपाली सेना र स्थानीयले करिब एक घन्टा पछि आगो नियन्त्रणमा लिएका थिए।
आगलागीबाट दुइटा फेन्सी पसलमा रहेका कपडाहरू जलेर नष्ट भएको जिल्ला प्रहरी कार्यालय डडेलधुराले जनाएको छ । मेडिकलमा रहेका औषधिहरू पनि जलेका छन्। आगलागीबाट भएको क्षतिको पूर्ण विवरण आउन बाँकी रहेको छ।
