२०८० आश्विन ७ गते, आईतवार
२०८० आश्विन ७ गते, आईतवार
काठमाडौँ । नेकपा एकीकृत समाजवादीले जनता समाजवादी पार्टी नेपालसहित सबै वामपन्थी दलबीच एकताका लागि पहल गर्ने निर्णय गरेको छ ।
मंगलबार सकिएको नेकपा एसको पोलिट्ब्युरो बैठकले जसपासहित सबै वामपन्थी दलहरूबीच एकताका लागि पहल गर्ने निर्णय गरेको उपमहासचिव तथा प्रचार विभाग प्रमुख जगन्नाथ खतिवडाले जानकारी दिए ।
प्रचार विभाग प्रमुख खतिवडाले आफूहरू वामपन्थी एकताका लागि खुला रहेको पनि बताए । ‘हामी वामपन्थी एकताको पक्षमा छौँ र त्यसका लागि खुला छौँ,’ उनले भने ।
बैठकले वामपन्थी एकताका लागि पहल गर्न आवश्यक निर्णय र गृहकार्य गर्ने जिम्मा सचिवालयलाई दिएको खतिवडाले बताए ।
