काठमाडौँ । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच प्रधानन्यायाधीश नियुक्ति, संसदीय समिति गठन र टिआरसी विधेयकका सम्बन्धमा छलफल भएको छ ।
प्रधानमन्त्री तथा मन्त्रिपरिषद्को कार्यालय सिंहदरबारमा आज बिहान भएको भेटमा प्रधानन्यायाधीश नियुक्ति, संसदीय समिति गठन र टिआरसी विधेयकमा सहमति जुटाउने प्रयासस्वरुप दुई नेताबीच छलफल भएको हो ।
छलफलपछि सञ्चारकर्मीसँग संक्षिप्त कुराकानी गर्दै नेकपा एमालेका अध्यक्ष केपी शर्मा ओलीले छलफल सकारात्मक भए पनि कुनै सहमति नजुटेको बताए ।