२०८० आश्विन ५ गते, शुक्रबार
२०८० आश्विन ५ गते, शुक्रबार
इलाम । आफ्नै १४ वर्षीया नातिनीलाई जवर्जस्ती करणी गरी गर्भवती बनाएको आरोपमा इलामका एक व्यक्ति पक्राउ परेका छन् ।
६५ वर्षीय ती व्यक्तिले आफ्नै छोराकी छोरीलाई एक वर्ष यता करणी गर्दैआएको र उनको चार महिनाको गर्भ रहेको खुलेको जनाइएको छ । दुई दिनअघि पक्राउ गरिएका ती व्यक्तिलाई जिल्ला अदालतबाट आज म्याद थप गरी अनुसन्धान सुरु गरिएको जिल्ला प्रहरी कार्यालय इलामले जनाएको छ ।
पछिल्लो एक वर्ष यता बालिकालाई पटक–पकट करणी गरेको र गर्भ समेत रहेको पीडितको स्वास्थ्य जाँचबाट थाह भएको जिल्ला प्रहरी कार्यालयका सुचना अधिकारी प्रकाश जबेगुले बताए । आरोपित व्यक्तिलाई जिल्ला प्रहरी कार्यालयको हिरासतमा राखेर अनुसन्धान सुरु गरेको जनाएको छ ।
