दुर्घटनास्थलमा आधा जलेको अवस्थामा पाइलटको लाइसेन्स भेटियो

जनता संवाददाता
२०८१ श्रावण २३ गते, बुधबार

नुवाकोट । दुर्घटनामा परेको एयर डाइनेस्टीको हेलिकप्टरका पाइलट अरुण मल्लको लाइसेन्स आधा जलेको अवस्थामा भेटिएको छ । दुर्घटनापछि जलेको हेलिकप्टरमा सवार पाँच जनाको निधन भए पनि केही कागजपत्र भने सुरक्षित भेटिएका छन् ।

२०२३ साल असार १८ गते जन्मनुभएका पाइलट मल्ल ललितपुर महानगरपालिका–३ पुलचोक बस्दै आएका थिए ।

काठमाडौँस्थित त्रिभुवन अन्तर्राष्ट्रिय विमानस्थलबाट उडेको तीन मिनेटमै एयर डाइनेस्टीको हेलिकप्टर नुवाकोटको सूर्यचौर गाउँपालिका ७ मा दुर्घटना भएको हो । नागरिक उड्डयन प्राधिकरणका अनुसार बुधबार दिउँसो १ः४५ बजे उडेको ९एन–एजेडी दुर्घटना भएको हो ।

दुर्घटनामा एक नेपाली (पाइलट) र चार चिनियाँ नागरिकको मृत्यु भएको छ । हेलिकप्टरमा फाङ जु ताओ, ऊ यीयाओ, ली चिए, सिए चमि सवार थिए ।

प्रकाशित मिति : २०८१ श्रावण २३ गते, बुधबार


Scroll to Top

Janata Media