२०८१ चैत्र ८ गते, शुक्रबार
२०८१ चैत्र ८ गते, शुक्रबार
काठमाडौं । रोल्पामा अटो दुर्घटनामा परी एक जनाको मृत्यु भएको छ । रुन्टीगढी गाउँपालिका २ धरमपानीका इन्द्रबहादुर घर्तीको मंगलबार अटो दुर्घटनामा परी मृत्यु भएको हो ।
रुन्टीगढी गाउँपालिका ४ सुर्पाल बजारबाट २ नम्बर वडाको धरमपानी जाँदै गर्दा कच्ची बाटोमा अटो दुर्घटनामा परेको दुर्घटना स्थलमा पुग्नुभएका इलाका प्रहरी कार्यालय होलेरीका सइ धनबहादुर रानामगरले जानकारी दिए ।
दुर्घटनामा परी अटो चालक रुन्टीगढी गाउँपालिका १ राम्लीका मनराज नेपाली र अटोमा सवार सुनिलस्मृति गाउँपालिका २ का मनबहादुर परियारको घाइते भएका छन् । दुवैको अवस्था समान्य रहेको सइ रानामगरले जानकारी दिए ।
अटोमा चालकसहित ३ जना सवार थिए । कच्ची सडक र बाटोमा खाल्डाखुल्डीका कारण दुर्घटना भएको हुनसक्ने उनको भनाइ छ ।
