आज ‘राष्ट्रिय पोशाक तथा टोपी दिवस’ मनाइँदै

जनता संवाददाता
२०७९ पुष १७ गते, आईतवार

काठमाडौं । आज‘राष्ट्रिय पोशाक तथा टोपी दिवस’ , विविध कार्यक्रम गरी मनाइँदैछ।नेपाली टोपीको प्रवर्द्धन गर्नुका साथै मेरो शान, मेरो पहिचान राष्ट्रिय पोशाक संरक्षण अभियान भन्ने नारासहित याे दिवश मनाउन लागिएको हो।

हरेक अङ्ग्रेजी नयाँवर्षको पहिलो दिन यो दिवस मनाउने गरिन्छ। मुलुकमा पश्चिमा संस्कृतिको प्रभाव बढ्दै गएको भन्दै केही युवाको अगुवाईमा २०७० सालदेखि हरेक वर्षको जनवरी १ लाई टोपी दिवस र पौष १७ गतेलाई राष्ट्रिय पोशाक दिवसको रुपमा मनाउन सुरु गरेका थिए।

नेपाल बाहिर रहेका नेपाली र नेपालीभाषीहरुले पनि नेपाली टोपी लगाउने गर्छन्। नेपाली टोपीको साइनो बंगलादेशको ढाका, काश्मीर, टर्की, कैलाश पर्वत र पाल्पासँग जोडिन्छ। विशेषतः भादगाउँले टोपी र ढाका टोपीलाई नेपाली टोपीका रुपमा लिने गरिन्छ।

तर नेपालका विभिन्न समुदायले आ–आफ्नो पहिचान र परम्परा झल्किने खालका टोपी लगाउने गरेका छन्। यो दिन नेपाल र नेपाल बाहिर रहेका नेपाली समुदायले विभिन्न कार्यक्रमको आयोजना गरी धुमधामका साथ नेपाली टोपी दिवस मनाउने गरेका छन्।

प्रकाशित मिति : २०७९ पुष १७ गते, आईतवार


Scroll to Top

Janata Media