काठमाडौँ । मध्य नाइजेरियाको नासारवा राज्यमा मङ्गलबार राति भएको विष्फोटमा ५४ जनाको ज्यान गएको बिहीबार प्रहरीले पुष्टि गरेको छ ।
विष्फोटमा कम्तीमा ५४ जनाको मृत्यु भएको सरकारी अधिकारीले जनाएका छन् । केही अन्य घाइतेसमेत भएको बताइएको छ । घटनामा ज्यान गुमाएका सबै फिरन्ते पशुपालक भएका उनले जनाएका छन् ।
विष्फोटको कारण पत्ता लगाउन प्रहरीका साथै अन्य सुरक्षा निकायका अधिकारी परिचालन गरिएको छ । नासारवाका गभर्नरले विष्फोटलाई दुर्भाग्यपूर्ण भन्दै दोषीलाई कारबाही गरिने प्रतिबद्धता व्यक्त गरेका छन् ।