चितवन २ मा वैशाख १० गते उपनिर्वाचन हुने, रास्वपाबाट रवि लामिछाने नै लड्ने

जनता संवाददाता
२०७९ माघ २९ गते, आईतवार

काठमाडौँ । चितवन क्षेत्र नम्बर २ मा आगामी वैशाख १० गते उपनिर्वाचन हुने भएको छ।

निर्वाचन आयोगले रिक्त एक प्रतिनिधि सभा सदस्य निर्वाचनका लागि मिति तोकेको हो।

आयोगका प्रवक्ता शालिग्राम शर्मा पौडेलले वैशाख १० गते आइतबार चितवन २ मा उपनिर्वाचन गर्ने निर्णय भएको बताए।

गत मंसिर ४ मा भएको निर्वाचनमा यस क्षेत्रबाट राष्ट्रिय स्वतन्त्र पार्टीका सभापति रवि लामिछाने निर्वाचित भएका थिए। तर उनको नागरिकतासम्बन्धी मुद्दामा सर्वोच्च अदालतले उनको पद बदर गरिदिएको थियो। त्यसपछि आयोगले उपनिर्वाचन मिति तोकेको हो।

यसका लागि राष्ट्रिय स्वतन्त्र पार्टीका तर्फबाट पार्टी सभापति रवि लामिछाने नै लड्ने भएका छन् ।

प्रकाशित मिति : २०७९ माघ २९ गते, आईतवार


Scroll to Top

Janata Media