२०८१ मंसिर २१ गते, शुक्रबार
२०८१ मंसिर २१ गते, शुक्रबार
काठमाडौं । दोस्रो अन्तर्राष्ट्रिय मैत्रिपूर्ण खेलमा नेपाली महिला फुटबल टिमले भारतसँग गोलरहित बराबरी खेलेको छ ।
जवारलाल नेहरु स्टेडियम चेन्नाईमा सम्पन्न खेलमा दुवै टिमले गोल गर्ने थुप्रै अवसर सृजना गरेपनि त्यसलाई स्कोरमा परिणत गर्न नसक्दा खेल बराबरीमा सकिएको हो ।
दुई मैत्रिपूर्ण खेलका लागि भारत भ्रमणमा रहेको नेपालले पहिलो खेलमा भारतसँग २–२ गोलको बराबरी खेलेको थियो ।
यो मैत्रिपूर्ण खेल दुवै टिमले ओलम्पिक छानेटको तयारिका रुपमा खेलेका थिए ।
अन्तिम पटक काठमाडौंमा आयोजित महिला साफ च्याम्पियनसिपमा आमने सामने भएपछि पहिलो पटक नेपाल र भारतबीच प्रतिस्पर्धा भएको हो ।
घरेलु मैदानमा आयोजित साफमा नेपालले सेमिफाइनलमा भारतलाई पराजित गर्दै ऐतिहासिक जित निकालेको थियो ।
