२०८१ जेष्ठ ५ गते, शनिबार
२०८१ जेष्ठ ५ गते, शनिबार
पर्थ । अष्ट्रेलियाको पर्थमा चक्कु प्रहार गर्ने एक किशोरको प्रहरीको गोली लागेर मृत्यु भएको छ । गोली लाग्नुअघि किशोरले एक व्यक्तिलाई छुरा प्रहार गरी घाइते बनाएका थिए । पीडितको अवस्था गम्भीर तर स्थिर रहेको बताइएको छ ।
शनिबार राति अबेतिर एक व्यक्तिलाई नाबालिगले चक्कु हानेर सामान्य क्षति पुर्याएको जानकारी प्राप्त भएको प्रहरीले जारी गरेको एक विज्ञप्तिमा भनिएको छ । किशोरको उमेर १६ वर्ष भएको बताइएको छ ।
आक्रमणकारीलाई रोक्न गोली चलाइएको प्रहरीले जनाएको छ । गोली लागेपछि ती किशोरलाई अस्पताल लगिएको भए पनि बचाउन सकिएन । पछिल्लो समय अष्ट्रेलियामा चक्कु प्रहारका घटनाहरू बढेका छन् ।
गत महिना सिड्नीमा क्रिश्चियन धर्मगुरुमाथि पनि चक्कु प्रहार भएको थियो । त्यसअघि सिड्नीको एउटा सपिङ मलमा भएको चक्कु प्रहारको घटनामा बालक र महिलाको मृत्यु भएको थियो ।एजेन्सी
