२०८३ जेष्ठ १३ गते, बुधबार
२०८३ जेष्ठ १३ गते, बुधबार
काठमाडौं। वडादसैँमा ससुरालीमा टीका लगाउन आएका एक व्यक्तिको आइतबार तनहुँमा मृत्यु भएको छ।
व्यास नगरपालिका व्यास नगरपालिका-६ श्याम्घामा ४० वर्षीय नारायणप्रसाद पोख्रेलको मादी नदीमा नुहाउने क्रममा मृत्यु भएको जिल्ला प्रहरी कार्यालय तनहुँका प्रमुख वीरेन्द्रबहादुर शाहीले जानकारी दिए। नवलपुरको गैंडाकोट नगरपालिका-२ घर भएका पोख्रेल आइतबार बिहान नदीमा नुहाउन गएका थिए ।
नुहाउने क्रममा भुमरीमा परेर उनको मृत्यु भएको थियो । उनको शव करिब एक किलो मिटर तल फेला परेको थियो । घटनाको सम्बन्धमा अनुसन्धान भईरहेको प्रहरीले जनाएको छ ।
