२०८१ मंसिर २१ गते, शुक्रबार
२०८१ मंसिर २१ गते, शुक्रबार
काठमाडौं । पाँचथरको फिदिममा आयोजनामा आइतबार हुने ‘लब्रेकुटी–शिलौती फाल्गुनन्द खुला महिला तथा पुरुष हाफ म्याराथन’ को तयारी पूरा भएको छ ।
एथलेटिक्स सङ्घ पाँचथरले नेपालका १६औँ विभूती तथा किरात धर्म प्रवर्तक महागुरु फाल्गुनन्द लिङदेनको जन्म जयन्तीका अवसरमा २१ किलोमिटर दुरीको हाफ म्याराथन आयोजना गर्न लागेको हो ।
म्याराथन फाल्गुनन्दको कर्मथलो मानिएको लब्रेकुटीदेखि कान्छी दोकान,पौवा भञ्ज्याङ, ध्वजे डॉडाबाट फर्के लब्रेकुटीमै टुंग्याइने आयोजक एथलेटिक्स संघ पॉचथरका अध्यक्ष पुर्णहाङ तुम्बापोले बताए ।
उनका अनुसार महिला तर्फ भने ५ किलो मिटर मात्रै दुरी तोकिएको छ । प्रतियोगितामा प्रथम,द्वीतीय र तृतीय हुनेलाई क्रमशस् ३०, २० र १० हजार नगद सहित ट्रफि मेडल र प्रमाण पत्र प्रदान गरिने फिदिममा शनिबार आयोजित पत्रकार सम्मेलनमा जानकारी दिईयो ।
