काठमाडौं । नेपाली कांग्रेसको स्थगित हुँदै आएको केन्द्रीय कार्यसमिति बैठक आज दिउँसो एक बजे बस्दैछ। बैठकमा पार्टीको १५औं महाधिवेशनको मिति तय गर्ने एजेन्डामा मुख्य छलफल हुने भएको छ।

महाधिवेशन फागुन २१ गतेका लागि तोकिएको आमनिर्वाचनअघि गर्ने कि पछि गर्ने भन्ने विषयमा पार्टीभित्र मतभेद जारी छ।

संस्थापन पक्षका विमलेन्द्र निधि, कृष्णप्रसाद सिटौला, प्रकाशमान सिंह र डा। प्रकाशशरण महत लगायत नेताहरूले चुनावअघि महाधिवेशन गर्न नसकिने अडान लिनुभएको छ। उहाँहरूका अनुसार निर्वाचन तयारीलाई प्राथमिकता दिनुपर्छ र महाधिवेशन वैशाखमा गर्न उपयुक्त हुन्छ।

तर, महामन्त्री गगन थापा, विश्वप्रकाश शर्मा र डा। शेखर कोइराला पक्षले अहिलेको नेतृत्वमा चुनावमा जान नसकिने भन्दै महाधिवेशन मंसिर वा पुसमै गर्नुपर्ने माग दोहोर्याउदै आइरहनु भइरहेको छ।

संस्थापन पक्षले भने विशेष महाधिवेशनको प्रस्तावसमेत अस्वीकार गरेको छ।