२०८१ मंसिर २१ गते, शुक्रबार
२०८१ मंसिर २१ गते, शुक्रबार
काठमाडौँ । सुपरहिट नेपाली फिल्म कबड्डी ४: द फाइनल म्याच युट्युबमा सार्वजनिक गरिएको छ । फिल्म निर्माता कम्पनी बाँसुरी फिल्म्सले मंगलबार आफ्नै युट्युब च्यानलमा फिल्म सार्वजनिक गरेको हो ।
हलमा रिलिज भएको डेढ वर्षपछि फिल्म युट्युबमा आएको हो । यो फिल्मले घरेलु बक्स अफिसमा करिब २२ करोड कमाइ गरेको चलचित्र विकास बोर्डले जनाएको थियो ।
फिल्ममा दयाहाङ राई र मिरुना मगरको जोडी छ । यो फिल्मका अर्का आकर्षक अभिनेता सौगात मल्ल पनि हुन् । यही फिल्मपछि मिरुना मगरको चर्चा चुलिएको थियो ।
