२०८१ भाद्र २७ गते, बिहीबार
२०८१ भाद्र २७ गते, बिहीबार
काठमाडौँ । बागमती यूथ क्लबले एन्फा महिला फुटबल लिगमा सुदूरपश्चिम प्रदेशमाथि फराकिलो जित निकालेको छ ।
सातदोबाटोस्थित एन्फा कम्प्लेक्स मैदान सोमबार भएको खेलमा बागमतीले सुदूरपश्चिमलाई ५–१ गोलले हरायो ।
बागमतीको जितमा अस्मिता खवासले ह्याट्रिक पूरा गरे । साहारा लिम्बू र आरती भुजेलले एक एक गोल थपे । सुदूरपश्चिमका लागि तुल्छा बोहोराले सान्त्वना गोल फर्काए ।
अस्मिता प्लेयर अफ दी म्याच घोषित भए । जितसँगै बागमतीले तीन अङ्क बनाएको छ । सुदूरपश्चिमले हारबाट लिगको सुरुवात गरेको छ । लिगमा १० टोलीको सहभागिता रहेको छ ।
